Контакт телефон +389 (0) 2 2532 000

Нова донација на ОКТА за отворање Дневен центар за деца заболени од церебрална парализа



Нова донација на ОКТА за отворање Дневен центар за деца заболени од церебрална парализа


Во рамките на ООУ 11-ти Октомври наскоро ќе почне да работи Дневен центар наменет за деца заболени од церебрална парализа во кој ќе биде обезбедено згрижување за 40тина деца на различна возраст од целата држава. Објектот, кој се очекува да биде завршен до крајот на август, ќе содржи 11 простории, меѓу кои занимални, посебни простории за физикална терапија, за дефектолог, логопед, психолог, пристапна рампа, кујна, конференциска сала и друго. Со него децата заболени од церебрална парализа ќе ја добијат потребната помош за ублажување на симптомите на болеста, а истиот ќе претставува и поддршка за нивните семејства кои ќе имаат можност на дневна основа своите деца да ги препуштат на стручни лица.

Со помошта што компанијата ОКТА ја дава за реконструкција на овој дневен центар се надеваме дека ќе се обезбеди ново место за згрижување на децата со церебрална парализа, кое ќе нуди соодветна нега и терапија, како и секојдневна поддршка за нивните родители. Постојат многу групи граѓани кои што имаат потреба од помош за полесно да се справат со секојдневните предизвици, но имајќи ја предвид бројноста на децата со церебрална парализа, како и отсуството на соодветен центар, сметавме дека во моментов имаат приоритет за добивање на нашата поддршка и целосно внимание“, изјави Иоаннис Героуланос, Генерален извршен директор на ОКТА АД - Скопје. Тој додаде дека се надева дека нивниот чекор во хуманитарни активности ќе поттикне и други компании да се вклучат во реализација на овој проект. 

Дневниот центар ќе биде привремено решение додека трае изградбата на објектот во населба Капиштец по чие завршување тука ќе се премести и Дневниот центар. Објектот во ООУ 11-ти Октомври кој ќе се користи две години, потоа ќе биде пренаменет во детска градинка со што во овој реон ќе се зголеми и капацитетот за сместување деца од предучилишна возраст.

На настанот присуствуваа и Мила Царовска, министер за труд и социјална политика, градоначалникот на Општина Центар, Андреј Жерновски како и претставници на Здружението на родители на деца со церебрална парализа.