Контакт телефон +389 (0) 2 2532 000

КОО

Како дел од корпоративната стратегија, ОКТА е посветена да возврати и на значаен начин да придонесе во општеството каде што работиме и живееме. Имајќи го предвид фактот дека сме една од најголемите компании во земјата, веруваме дека со користење на нашите ресурси и работна сила, можеме да придонесеме и влијаеме за доброто на целата заедница. Ја препознаваме одговорноста да бидеме добар корпоративен граѓанин и затоа сме посветени на постигнување видливи и мерливи бенефити за нашите вработени, нашите клиенти и општеството во целина.

Важна улога во општествено-одговорниот концепт на компанијата имаат и нашите вработени, кои често доброволно иницираат и се вклучуваат во хуманитарни активности. 

Во овој контекст, помеѓу позначајните иницијативи на ОКТА во текот на 2020 година се вбројуваат следните:

  • Донација на медицинска опрема во вредност од 65.000 евра за поддршка на здравствениот систем во справувањето со епидемијата предизвикана од вирусот САРС-CоV-2. Компанијата донираше еден видео бронхоскоп, 16 инфузиони пумпи и 3.000 серолошки тестови за потребите на Клиниката за инфективни болести.
  • Донација на 30 лаптоп компјутери и 10.000 заштитни маски, со цел да се помогне непреченото одвивање на наставата во основните училишта на територијата на Општина Илинден. 
  • Компанијата ОКТА заедно со своите вработени донираше пречистувачи на воздух на Клиниката за детски болести во Скопје преку организирање еко акција за собирање електричен и електронски отпад.
  • Доделување пет стипендии за постдипломски студии на студенти на три различни факултети на Универзитетот Св. Кирил и Методиј. 
  • Спонзорство на часови по грчки јазик во Скопје, наменети за ученици на возраст од 14 до 18 години, за студенти, како и за млади вработени лица. 
  • Поддршка на културни активности преку спонзорирање на онлајн изданието на реномираните музички фестивали Скопје џез фестивал и OFFest. 
  • ОКТА го поддржа одржувањето на онлајн Меѓународната конференција „ЕНЕРГЕТИКА 2020“. 
  • Донација за организацијата на хуманитарната трка за поддршка на луѓето со ретка болест Вилсон.
  • Црвен крст при ОКТА три пати годишно организира крводарителски акции на кои учествуваат голем број вработени во компанијата.